Almennar upplýsingar

LaugarnesskóliLaugarnesskóli stendur við Kirkjuteig 24 í Reykjavík og er einsetinn grunnskóli fyrir nemendur í 1.- 6. bekk.

Skrifstofa skólans er opin frá 8:00 til 15.00 alla virka daga.

Sími: 411-7444

Heimasíða: www.laugarnesskoli.is

Vefpóstur: This e-mail address is being protected from spambots. You need JavaScript enabled to view it. 

Laugarnesskóli er hverfisskóli fyrir Laugarneshverfi og er einn af grunnskólum Reykjavíkurborgar, heyrir undir Menntasvið og tekur námskrá skólans mið af skólastefnu borgarinnar og framtíðarsýn. Þar er að finna ríka áherslu á einstaklingsmiðað nám og samvinnu nemenda, skóla án aðgreiningar, góða líðan nemenda, sjálfstæði skóla og gott samstarf við grenndarsamfélag.

Á vef Menntasviðs má lesa nánar um stefnu borgarinnar, sjá: www.grunnskolar.is > Útgefið efni > Stefnur

Skólastjóri- Sigríður Heiða Bragadóttir

Aðstoðarskólastjóri/deildarstjóri 5.og 6. bekkjar - Kristinn Svavarsson

Deildarstjóri 1. til 4. bekkjar - María Guðmundsdóttir

Verkefnastjóri sérkennslu - Alberta Tulinius

Fjöldi nemenda: 539 
Fjöldi bekkja: 27 
Fjöldi kennara: 53 
Fjöldi annarra starfsmanna: 25

Einkunnarorð skólans eru

lífsgleði, nám, samvinna, kærleikur, ósk.

Skólahverfi Laugarnesskóla afmarkast af skólahverfi Háteigsskóla í suðri, Austurbæjarskóla í vestri og Langholtsskóla í austri. Skólinn er í útjaðri Laugardalsins og örstutt er í sundlaugarnar, Fjölskyldu- og húsdýragarðinn, Grasagarðinn, Laugardalshöll, Laugardalsvöll, skautasvellið og íþróttasvæði Þróttar/Ármanns.

Laugarnes- og Laugalækjarskóli mynda saman grunnskóla Laugarneshverfis, annar starfar á barnastigi og hinn á unglingastigi.

Laugarnesskóli er teiknaður af Einari Sveinssyni húsameistara og er einn af elstu skólum Reykjavíkur Hann tók til starfa 19. október 1935 og fyrsta árið voru tíu kennarar við skólann. Skólann sóttu 214 börn á aldrinum átta til þrettán ára, eitt barn var eldra.

Fjöldi nemenda í Laugarnesskóla hefur verið breytilegur á milli ára. Fjölmennastur var skólinn á árunum 1950 og 1954 en þá voru tæplega 1800 nemendur í skólanum. Frá 1969 var hann eingöngu barnaskóli og frá haustinu 2002 fyrir 1. – 6. bekk.

Frá því að hann hóf störf hafa ýmsar hefðir orðið til sem eru orðnar fastir liðir í skólastarfinu og margt er það sem skapar honum einstaka sérstöðu meðal grunnskóla Reykjavíkur. Má þar nefna listaverka- og náttúrugripasafn skólans, söng og leiklistarhefðir að ógleymdu Katlagili. Stefna skólans er að viðhalda grónum hefðum og þróa þær með það að leiðarljósi að nemendur skólans þroskist við að taka þátt í þeim.

Við Laugarnesskóla starfa kennarar, þroskaþjálfi og aðrir starfsmenn sem sinna hinum ýmsum störfum í tengslum við skólahaldið. Einnig eru starfandi við skólann fjármálastjóri, umsjónarmaður, deildarstjórar, skólastjóri og aðstoðarskólastjóri. Aðstoðarskólastjóri er staðgengill skólastjóra. Lögum samkvæmt starfar foreldraráð við skólann og er hluti af stjórnkerfi hans.

 

Prenta | Netfang