Laugarsel heimasíða

Laugarsel

Frístundarheimili

Laugarsel er frístundaheimili fyrir 1. og 2. bekk í Laugarnesskóla. Frístundaheimilið Laugarsel er eitt af átta frístundaheimilum sem tilheyra Kringlumýri, sem er frístundamiðstöð Laugardals og Háaleitis. Laugarsel býður upp á fjölbreytt og skemmtilegt starf. Laugarsel fékk vottunina Réttindafrístund frá UNICEF árið 2017, en í Laugarseli er meðal annars unnið eftir hugmyndafræði um barnalýðræði (sbr. 12 grein Barnasáttmálans) þar sem börnin geta tekið virkan þátt í mótun starfsins. Einnig er unnið eftir hugmyndafræði um vináttufærni með það að leiðarljósi að stuðla að auknum félagslegum þroska og aðstoða börn við að mynda félagsleg tengsl.
Hægt er að hafa samband við stjórnendur Laugarsels með því að senda tölvupóst á laugarsel@rvkfri.is eða hringja í síma 664-7618 eða 664-7655.

felags2

Dalheimar

Frístundaheimili

Dalheimar er safnfrístundaheimili fyrir börn í 3. og 4. bekk Langholtsskóla og Laugarnesskóla.
Frístundaheimilið Dalheimar er eitt af átta frístundaheimilum sem tilheyra Kringlumýri, sem er frístundamiðstöð Laugardals og Háaleitis. Kringlumýri sér einnig um rekstur fimm félagsmiðstöðva og frítímastarfs fatlaðra.

Dalheimar býður upp á skemmtilegt starf fyrir 8 og 9 ára börn. Dalheimar vinna með Barnasáttmála Sameinuðu þjóðanna að leiðarljósi og hefur fengið vottun UNICEF sem réttindafrístundaheimili. Barnalýðræði og barnaráð er virkt í Dalheimum.

Til að hafa samband við forstöðumann er hægt að hringja í 664-7627 og aðstoðarforstöðumann í 664-5211. Einnig er hægt að senda tölvupóst á póstfangið dalheimar@rvkfri.is
Almennar fyrirspurnir á starfstíma mega berast í síma 664-7690. Oft reynist erfitt að svara í síma á milli 12:00-16:00 og þá getur verið betra að senda SMS. Mikilvægt er að tilkynna veikinda eða frí barna fyrir hádegi með því að senda tölvupóst.

fristund2
fristund2