Foreldrafélagið
Foreldrafélag Laugarnesskóla
Almennar upplýsingar
Allir foreldrar og forráðamenn nemenda í Laugarnesskóla eru félagar í Foreldrafélagi Laugarnesskóla. Félagið hefur aðstöðu í skólanum til fundahalda og annarrar starfsemi. Stjórn foreldrafélagsins samanstendur af 5 aðalmönnum sem kosnir eru til 2 ára í senn og 2 varamönnum sem kosnir eru til eins árs, á aðalfundi félagsins.
Aðrar upplýsingar
Verkefni Foreldrafélagsins eru margvísleg. Félagið kemur að námskeiðinu: Skólafærni ásamt skólanum og skólaráði sem haldið er í byrjun skólaárs fyrir 1.bekkjar foreldra. Einnig stendur það fyrir jólaföndri eða jólaskemmtun, páskabingói, heilsuviku og leikhúsferðum. Í samstarfi við Laugarneskirkju og Laugarsel er haldin öskudagsskemmtun og dótadagur í salarkynnum kirkjunnar. Hverfishátíðin: Laugarnes á ljúfum nótum, er vorhátíð sem allar stofnanir og félagasamtök hverfisins standa að og kemur foreldrafélag skólans að undirbúningsvinnu og veitingasölu. 10 ára í tjaldi nefnist svo samvinnuverkefni foreldrafélagsins, kirkjunnar og skátanna þar sem öllum 4.bekkjar börnum er að vori, boðið í tjaldferð eina nótt upp í Katlagil, sem er landskiki uppi í Mosfellsdal, sem kennarafélag Laugarnesskóla á og Laugarnesskóli hefur fengið að hafa not af.
Á heimasíðu skólans er að finna dagskrá foreldrafélagsins og fundargerðir auk þess sem foreldrum eru sendar upplýsingar í gegnum Mentor. Félagið á fulltrúa í SAMFOK, samtökum foreldrafélaga og skólaráða í Reykjavik. http://www.samfok.net/
Foreldrar eru hvattir til að vera virkir í foreldrastarfi skólans, þannig verður góður skóli enn farsælli og árangur og líðan barna okkar enn betri.
Netfang foreldrafélagsins er: foreldrafelag.laugarnesskola@gmail.com
Handbók foreldrafélaga grunnskóla
Heimili og skóli hafa gefið út handbækur fyrir fulltrúa foreldra á öllum skólastigum. Í þeim er lýst starfi foreldrafélaga og foreldra- og skólaráða. Hér getur þú nálgast sem pdf skjal. Handbók foreldrafélaga grunnskóla.
Stjórn félagsins
Eyrún Helga Aradóttir – Formaður og fulltrúi í skólaráði
Grétar Már Axelsson – Gjaldkeri og fulltrúi í skólaráði
Ragnhildur Rós Guðmundsdóttir – Ritari og upplýsingafulltrúi
Hrafnhildur Karla Jónsdóttir – Varaformaður og fulltrúi í skólaráði
Benna Sörensen Valtýsdóttir – Meðstjórnandi og fulltrúi í Foreldraþorpinu
Steinunn Dögg Steinsen – Meðstjórnandi
Elísabet Hrund Salvarsdóttir – Meðstjórnandi
Arna Armstrong – Varamaður
Laufey Björk Ólafsdóttir – Varamaður
Brynhildur Kjartansdóttir – Varamaður
Fundir
Stjórn foreldrafélagsins fundar fyrsta miðvikudag hvers mánaðar.
