100 daga hátíð

31.1.2012 100 daga hatid 1.b.forsida

Í dag hafa nemendur 1. bekkjar Laugarnesskóla verið 100 daga í skólanum og af því tilefni var haldin svokölluð 100 daga hátíð. Það var ýmislegt skemmtilegt gert til hátíðabrigða.
Unnið var á nokkrum stöðvum og var 100 taflan mikið notuð. Nemendur spiluðu á spil, bjuggu til hatta og kramarhús.
Í kramarhúsið sitt fengu þeir svo 10 X 10 tegundir af góðgæti. Í lok dags nutu þeir þess síðan að borða góðgætið.

 

 

 

 

 

Lesa >>

Prenta | Netfang

Örk, Nói, Krókódílar, Kengúrur, Ljón, Regnbogi og Dúfur.

25.1.2012.leikrit.2.l.forsida

Fyrirsögnin á þessari frétt vísar til heita á hópum í 1. og 2. bekk en krakkarnir í þessum árgöngum ætla að vinna saman, í tvær vikur, í þemaverkefni upp úr sögunni Örkin hans Nóa.

Eins og fyrr segir eru hóparnir sjö, Örk, Nói, Krókódílar, Kengúrur, Ljón, Regnboginn og Dúfur. Hver hópur fær að spreyta sig á sjö fjölbreyttum verkefnum.

Í einum hópnum hjá henni Hrafnhildi vinna þau með leikræna tjáningu og setja upp leikrit. Á myndunum má sjá leikræn tilþrif Regnbogahópsins.

 

 

Lesa >>

Prenta | Netfang

Árhringir

25.1.2012 aldur jolatres

 

Það er alltaf jafn gaman að velta því fyrir sér hvað jólatréð sem nemendur og starfsfólk Laugarnesskóla gengu í kringum hafi verið gamalt. Á myndinni hér til hliðar má sjá nemendur halda á þverskurði af jólatrénu. Á hverju ári sem tré vex bætist einn hringur við og með því að telja árhringina getum við fundið út hvað tréð hefur verið gamalt þegar það var fellt.

Jólatréð okkar kom úr Katlagili og það var einhver nemandi, stelpa eða strákur sem gróðursetti það fyrir mörgum árum. Hvar ætli sá nemandi sé núna?

Ef þig langar til að skoða þennan þverskurð nánar þá er hann geymdur niðri í smíðastofu þar sem þér er velkomið að skoða hann... og telja árhringina.

Prenta | Netfang

Skákdagurinn 26. janúar

Skakdagur 26 1 2011 012 MobileÞað var aldeilis líf í tuskunum í dag þegar skákdagurinn var haldinn í fyrsta skipti. 

Skákdagurinn 2012 er tileinkaður Friðrik Ólafssyni, fyrsta stórmeistara Íslendinga og fv. forseta Alþjóða skáksambandsins. Friðrik, sem verður 77 ára þennan dag, var lengi meðal bestu skákmanna heims.
Í mörgum grunnskólum er nú mikil gróska í skákinni, áhugi og brennandi metnaður. Laugarnesskóli er þar engin undantekning og margir nemendur skólans orðnir býsna sleipir í íþróttinni. Skák er kennd sem valgrein og kennarinn Björn Þorfinnsson telfdi fjöltefli í matsal í morgun. Telft var á 24 borðum og mátti sjá margan garpinn brjóta heilann í viðureignum við hann.

Dansinn dunaði einnig á sínum stað og mikil þátttaka var í honum að vanda. Einhverjir nemendur vildu þó vera úti og njóta þess að leika sér í snjónum. Það er svo sannanlega engin lognmolla í Laugarnesskóla! Myndirnar tala sínu máli.

Lesa >>

Prenta | Netfang