Síðustu skóladagarnir

Fimmtudagurinn 6. júní er íþrótta- og útivistardgur skólans. Þá eru nemendur beðnir um að hafa með sér vatnsbrúsa í skólann þar sem stöðvavinna verður út um allar grundir og erfitt getur reynst að svala þorstanum ef ekkert vatn er meðferðis. Dagurinn er skertur dagur og honum lýkur með grillveislu í hádeginu. Eftir það fara allir nemendur heim. Athygli er vakin á því að engin starfsemi verður í Laugarseli eða Dalheimum vegna undirbúningsdags starfsfólksins. Engin gæsla verður því fyrir yngstu nemendur skólans eftir kl. 12:30.

Föstudagurinn 7. júní er svo Gullakistudagur en þá koma foreldrar með börnum sínum í skólann og fara yfir afrakstur vetrarins. Skólaslit verða kl 13:00 í hátíðarsal skólans þar sem sjöttu bekkinar eru kvaddir en þeir fara flestir  í 7. bekk í Laugalækjarskóla næsta vetur.

Starfsfólk skólans þakkar nemendum og foreldrum fyrir samstarfið á skólaárinu og óskar öllum ánægjulegs sumarleyfis.

Prenta | Netfang