Undirskrift samnings

IMG 2707Í morgunsöng í dag komu góðir gestir í heimsókn. Það voru þau Lilja Alfreðsdóttir mennta- og menningarmálaráðherra, Guðmundur Ingi Guðbrandsson umhverfiusráðherra og Auður Magnúsdóttir framkvæmdastjóri Landverndar. Tilefni heimsóknarinnar var undirritun samnings milli ráðuneytanna og Landverndar um Grænfánann, eða skóla á grænni grein.

Skólar á grænni grein (Eco-Schools) eru alþjóðlegt verkefni sem menntar milljónir nemenda í 67 löndum víðsvegar um heim í sjálfbærni og umhverfisvernd. Verkefnið byggir á lýðræðismenntun og getu til aðgerða.

Skólar á grænni grein fylgja sjö skrefa ferli sem efla vitund nemenda, kennara og annarra starfsmanna skólans um umhverfismál. Ef skólinn nær markmiðum sínum fær hann að flagga grænfánanum til tveggja ára og fæst sú viðurkenning endurnýjuð ef skólarnir halda áfram góðu starfi.

Verkefnið hefur víðtæk áhrif og taka skólar ábyrga afstöðu í málum sem snerta umhverfið. Með því að innleiða raunhæfar aðgerðir og vinna á markvissan hátt að sjálfbærni í skólanum sýnir reynslan að skólar geta sparað talsvert í rekstri.

Eftir undirskriftina ræddu þau Lilja, Auður og Guðmundur stuttlega við nemendur og þökkuðju þeim fyrir að fá að vera með þeim á þessum tímamótum. Í lokin var umhverfissöngur skólans sunginn ásamt skólasöngnum.

Þess má geta að Laugarnesskóli hefur verið grænfánaskóli frá árinu 2008.

IMG 2707IMG 2707IMG 2707 

Prenta | Netfang